Starbucks X'mas Tree Ornament

又到聖誕, 又到聖誕...!!!

連 starbucks 都出了新產品嚟迎接聖誕了!

當中最愛那兩張為 X'mas 而推出嘅儲值卡,

還有這個迷你版凍飲杯聖誕樹裝飾物!

其實數星期前己想跟大家報告的了,

奈何最近心情有點複雜,

發生了很多事情喺自己身上,

令自己有好多嘢諗,

加上工作很忙, 

即使郵購了很多漂亮東西想跟大家分享, 

但總是沒心機似的! 

我最近 online order 咗 Cath Kidston & Orla Kiely 的產品,

下次同大家分享吧,

尤其那個 Orla Kiely 收音機,

真的漂亮得要命,

最近朋友向我匯報,

這部收音機已 out of stock 了,

幸好我手快快已擁有一部咋,

否則, 真係喊都無謂!

 但我不得不體諒您們嘅感受,

我留意到即使我沒 update 個 blog,

每天都有幾位朋友 keep 住嚟探吓個 blog,

我真的唔想令大家失望,

所以我迫自己今天之內,

點都要寫幾粒字!

(寫吓寫吓收唔到手, 而家點止幾粒字吖!)

真的很喜歡這個迷你版凍飲杯裝飾物,

我瘋狂得一個人擁有三隻正常版硬膠凍飲杯,

它是 100% 模仿凍飲杯而製, 只是質料上變成硬膠而已,

還記得第一隻硬膠凍飲杯係喺日本東京給我發現的,

賣 1,500 円 (當時相等 $120), 覺得價錢合理,

即刻 send email 問朋友有冇興趣,

最後買了兩隻,

一隻自己, 另一隻是幫好朋友 may may 買的, 

我倆都因此而樂上半天!

怎料, 回港後不到兩星期, 

已見香港星巴克開始發售,

賣得很便宜不特止 ($65),

還送上一杯任何 size 手調飲品,

所以, 幾時都話,

香港仲係一個購物天堂,

那麼, 那凍飲硬膠杯豈不是更平,

只需付出 $30 多塊錢已能擁有!

於是乎,

我先買多兩隻給自己以平息之前唔抵的感覺,

雖然明知這是很笨的想法,

還好, 最近已升價售賣 $85,

算是有點安慰,

不過還未完全息怒,

即刻通知所有親朋戚友與同事,

介紹這件產品之餘,

亦叮囑他們要珍惜送手調飲品這個時限優惠,

只需簡單交待我的故事,

再簡單計算香港購買它有幾抵時,

無一不被說服去買返隻,

原來我的 sales talent 也不弱呢, 哇哈哈!

就咁看, 您是看不出它的 mini size 有幾大,

總之先來預告, 

我是很想將它改裝成一條頸鏈的, 

如果您都係 starbucks fans, 

密切留意了! 

為了給您大概了解這個裝飾物有多大,

刻意將大細杯作個比較!

這個 mini 版, 是否很可愛呢!